Vassendemona i Gloppen kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Eide Sandtak ved Anders Eide.

Vassendemona er eit grustak lokalisert på gnr./bnr. 76/6 og 76/5 i Gloppen kommune. Det omsøkte området er om lag 55 dekar og går fram av kart på side 24 i høyringsvedlegget. Omsøkt område er regulert til «grustak» i reguleringsplan datert 30.09.1996 med plan-ID 199601 og namn «Vassendemona grustak». Det er oppgjeve at førekomsten består av grus som hovudsakleg vil nyttast som tilslag til betong- og asfaltproduksjon. Det er estimert eit årleg uttak på om lag 20.000 m³ og eit totalt gjenståande uttak på 500.000 m^3.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gjev nærare orientering om DMF sine forventingar til høyringsfråsegnene og handsaminga vår av søknaden.