Synshagen massetak i Vang kommune – driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter minerallova § 43 frå Strømmen Maskin AS.

Søknaden gjeld uttak av fjell på eigedomane gbnr. 47/2 og 48/1 i Vang kommune i Valdres. Massane vil hovudsakleg bli bruka til tomter, veg og vatn/avlaupsrør.

Det ligg føre ein godkjent reguleringsplan for uttaket, «Synshagen massetak (R 74)», vedtatt 16. juni 2009.

Forventa årleg uttak er oppgitt til 10 000 m³ masse, mens antatt totalt uttaksvolum er 1 million m³ masse. Oppgitt totalt uttaksvolum i søknadsskjemaet er for høgt, riktig tal er 1 million m³ masse. Antatt tid for uttaket er 100 år, men dette vil kunne variere i forhold til marknadens etterspurnad etter masse.

Saka ligg no ute til høyring. Høyringsdokumenta er tilgjengeleg i menyen til høyre.

Høyringsbrevet gjev nærare orientering om DMF sine forventningar til høyringsfråsegnene og handsaminga vår av søknaden.