Sunde uttak i Jølster kommune - driftskonsesjon

Direktoratet for mineralforvaltning med Bergmeisteren for Svalbard (DMF) har fått inn søknad om driftskonsesjon etter minerallova § 43 frå Roald Sunde.

Sunde uttak er lokalisert på del av gbnr. 35/1 i Jølster kommune. Området som det søkjast om driftskonsesjon på har eit areal på om lag 8 dekar og går fram av høyringsvedlegget på s. 4 og 5. Tiltakshavar oppgjer at det skal takast ut totalt 72 000 m³ masse. Forventa årleg uttak er 3000 m³ masse. Førekomsten består primært av fast fjell, stein og grus. Det vert i søknaden opplyst at råstoffet skal nyttast til blant anna fyllmassar og muring. Området er i kommuneplanens arealdel avsett til masseuttak  og regulert i reguleringsplan for «del av gbnr. 35/1 i Sunde i Jølster», vedteken 23. juli 1998.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gjev nærare orientering om DMF sine forventingar til høyringsfråsegnene og handsaminga vår av søknaden.