Sognnes steinbrot i Hyllestad kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Veidekke Industri AS.

Sognnes er eit steinbrot lokalisert på gnr./bnr. 81/2 i Hyllestad kommune. Det omsøkte området er om lag 86 dekar og går fram av kart på side 46 i høyringsvedlegget. Omsøkt område er regulert til «steinbrudd og masseuttak» i reguleringsplan datert 24.10.2014 med plan-ID 2014002 og namn «Steinbrot på Sågnes». Det er oppgjeve at førekomsten består av trondhjemitt som hovudsakleg vil nyttast til asfaltproduksjon. Det er estimert eit årleg uttak på om lag 117.000 m³ og eit totalt uttak på 3.900.000 m³.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gjev nærare orientering om DMF sine forventingar til høyringsfråsegnene og handsaminga vår av søknaden.