Slangen grustak i Nord-Fron - driftskonsjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Veidekke Industri AS.

Slangen er eit grustak lokalisert på gnr./bnr. 408/1 i Nord-Fron kommune. Det omsøkte området er om lag 49 dekar og går fram av kart på side 31 i høyringsvedlegget. Omsøkt område er avsett til råstoffutvinning i arealplanen til kommunen. Vidare er omsøkt område regulert i reguleringsplan datert 20.02.2003 med plan-ID 051620030001 og namn «Reguleringsplan for Samsgarden-Snubbmoen». Det er oppgjeve at førekomsten består av grus som hovudsakleg vil nyttast til veg, betong og asfalt. Det er estimert eit årleg uttak på om lag 5.000-10.000 m³ og eit totalt uttak på 60.000 m³.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gjev nærare orientering om DMF sine forventingar til høyringsfråsegnene og handsaminga vår av søknaden.