Nos steinbrot i Gaular kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressursar (minerallova) frå Gaular Stein og Maskin AS.

Søknaden gjeld uttak av blokkstein i Nos steinbrot i Gaular kommune. Massar som ikkje kan nyttast som blokkstein vil bli knust til pukk i ulike fraksjonar. Steinbrotet ligg ca. 600 m vest for E39 og 3,7 km nord for Sande. Storleiken på uttaksområdet er ca. 30 dekar. Totalt uttaksvolum er rekna til 270 000 m³ og forventa årleg uttak er ca. 5000 m³. Det foreligg reguleringsplan for masseuttaket, vedteke av Gaular kommunestyre 26.02.2002.

Saka ligg ute til høyring. Høyringsbrevet og -dokumenta er tilgjengeleg i menyen til høgre.