Mo massetak i Lærdal kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Voll Lunde Maskin AS.

Mo er eit massetak lokalisert på gnr./bnr. 6/4 i Lærdal kommune. Det omsøkte området er om lag 22 dekar og går fram av kart på side 20 i høyringsvedlegget. Omsøkt område er avsett til råstoffutvinning i kommuneplanens arealdel. Det er oppgjeve at førekomsten består av sand, grus og stein som hovudsakleg vil nyttast som tilslag til betong, vegbygging og fyllmasse. Det er estimert eit årleg uttak på om lag 5.000 m³ og eit totalt uttak på 180.000 m³.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gjev nærare orientering om DMF sine forventingar til høyringsfråsegnene og handsaminga vår av søknaden.