Lauareid næringsområde i Etne kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressursar (minerallova) frå Skånevikstrand Maskinstasjon AS.

Lauareid næringsområde ligg mellom Stordalsvatnet og Åkrafjorden, nord for Lauareidtjørna og like aust for E 134. 

Reguleringsplanen for Lauareid næringsområde vart vedteke av Etne kommunestyre 16.12.2014. Omsøkt område er ein del av reguleringsplanen for næringsområdet og er i planen regulert til steinbrot/masseuttak. Utdrevne og opparbeida areal i næringsområdet blir i dag nytta til produksjon av murestein som er tilkøyrt frå skiferbrotet på Øvernes.

Søknaden gjeld gbnr 55/1, 55/2 og 55/3 og eit areal på om lag 10,5 dekar. Totalt uttaksvolum er stipulert til 75 000 m³ og forventa årleg uttak er inntil 10 000 m³. Området går fram av kart på side 5 i vedlegget til høyring.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gjev nærare orientering om DMF sine forventingar til høyringsfråsegnene og handsaminga vår av søknaden.