Høgabrekka i Modalen kommune - driftskonsesjon
Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Knut Dale Sandtak.
Høgabrekka er lokalisert på gnr./bnr. 76/4 i Modalen kommune. Det omsøkte området er 38 dekar og framgår av kart i høyringsvedlegget. Området er i arealplan, vedtatt 15. oktober 2015, avsett til råstoffutvinning.
Det vert oppgjeve i søknaden at førekomsten består av samfengd masse med innhald av sand, grus og stein. Massane vil i følgje søknaden bli levert til Modalen sandtak og fordela til støypesand og singel. Vidare opplysast det i søknaden at produkta blir selde til ulike betongstasjonar i Bergensområdet. Totalvolum for uttaket er anslått til 80 000 m3. Forventa årleg uttak er 15 000 m3.
Saka ligg no ute til høyring. Høyringsdokumenta er tilgjengeleg i menyen til høgre.
Høyringsbrevet gir nærare orientering om DMF sine forventningar til høyringsfråsegna og vår behandling av søknaden.
