Breivatn massetak – Morgedal steinbrudd i Kviteseid kommune – driftskonsesjon

Direktoratet for mineralforvaltning med Bergmeisteren for Svalbard (DMF) har fått inn søknad om driftskonsesjon etter minerallova § 43 frå Vest-Telemark pukkverk AS.

Søknaden om driftskonsesjon gjeld uttak av fast fjell på eigedomen gbnr. 67/1 i Kviteseid kommune. Uttaket har et areal på 26 daa og går fram av kart over konsesjonsområde, som er ein del av høringsvedlegg. 

Planlagt årleg uttak er oppgjeve til 15 000 m³ masse, mens planlagt samla uttak er oppgjeve til 160 000 m³ masse. Uttatte masser vil bli knust og nytta som byggeråstoff til bygg- og anleggsverksemd.

Uttaket er omfatta av reguleringsplan «Breivatn massetak», planID 829_2016002, vedtatt 1. mars 2018. Reguleringsformålet er steinbrot og masseuttak. Etter avslutta uttak vil mesteparten av arealet bli gjort om til dyrka mark/beite og resten tilbakeført til skogsmark.

Saka ligg no ute til høyring. Høyringsdokumenta er tilgjengelig i menyen til høyre.

Høyringsbrevet gir nærare orientering om DMF sine forventningar til høyringsfråsegna og vår handsaming av søknaden.