Bjørkemoen grustak i Voss kommune - driftskonsesjon

Direktoratet for mineralforvaltning med Bergmeisteren for Svalbard (DMF) har fått inn søknad om driftskonsesjon etter minerallova § 43 frå NOBI Voss AS.

Bjørkemoen grustak er lokalisert på gnr./bnr. 158/20 og gnr./bnr 158/3 i Voss kommune. Totalt omsøkt område er 296 dekar og fremgår av kart på side 4 i høyringsvedlegget. Området er i vedtak av 30. september 1999 regulert til område for masseuttak. Tiltakshavar har i etterkant utarbeidd eit forslag til ny detaljeregulering for uttaksområdet (planid 2015013). Planprogrammet til forslaget vart vedteke i Formannskapet i Voss kommune 22. juni 2017. Forslag til detaljeregulering, med teiknforklaring, ligg på side 5 i høyringsvedlegget.

DMF har ved utarbeidelsen av kart over konsesjonsområde på side 4 i høyringsvedlegget teke utgangspunkt i forslaget til detaljeregulering for Bjørkemoen grustak. DMF understrekar at tiltakshavar ikkje skal driva uttaksverksemd på gnr./bnr. 109/4, gnr./bnr. 109/11 og gnr./bnr. 109/1.

Det er oppgjeve i søknaden at drifta i hovudsak omfattar uttak av sand og grus, som blant anna vil nyttast til asfalt- og betongproduksjon. Det er estimert eit årleg uttak på rundt 1 20 000 m³ og eit totaluttak på ca. 1 100 000 – 1 500 000 m³. DMF påpekar at tiltakshavar har sendt inn to forskjellige søknadsskjema for det same uttaksområdet.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gir nærare orientering om DMF sine forventningar til høyringsfråsegna og vår behandling av søknaden.