Bakkebufjellet massetak i Nissedal kommune - driftskonsesjon
Direktoratet for mineralforvaltning med Bergmeisteren for Svalbard (DMF) har fått inn søknad om driftskonsesjon etter minerallova § 43 frå Kyrkjebygdheia AS.
Kyrkjebygdheia AS søker om driftskonsesjon for Bakkebufjellet massetak. Massetaket er lokalisert på gbnr. 10/1 i Nissedal kommune. Ifølgje tiltakshavaren er omsøkt området 34 daa. Omsøkt område svarar til det som i reguleringsplanen er regulert til steinbrudd/masseuttak. Digitalisering av konsesjonsområdet viser at det er om lag 32 daa. Tiltakshavaren har anslått at det totale volumet innafor omsøkt område er 400 000 m3. Dei forventar å kunne ta ut om lag 15 000 m3 årleg. Dette vil kunne forandre seg i takt med situasjonen i marknaden og etterspørselen.
Tiltakshavaren skriv at berggrunnen er grunnfjell beståande av metabasalt, metahyolitt og metamorf tuff. Like i nærleiken finn ein også monzonittisk gneis. Ifølgje tiltakshavaren finn ein berre tynn morene i lausmassane på staden, samt at enkelte stader finn ein område med myr og torv. Førekomsten er tenkt nytta i samband med opparbeiding av vegar og hyttebygging.
Området er i reguleringsplan «Detaljregulering – Bakkebufjell massetak» med planID 2012005, vedteken i kommunestyret den 13. desember 2012, regulert til steinbrudd/masseuttak.
Saka ligg no ute til høyring. Høyringsdokumenta er tilgjengeleg i menyen til høgre.
Høyringsbrevet gir nærare orientering om DMF sine forventningar til høyringsfråsegna og vår handsaming av søknaden.
